车仔肠粉

「入铺」店地址：大坑京街 18 号地下

         一心想去的炳记无开档, 莪黎了呢度试试, 简单叫个3(食送) (猪肠, 牛腩及萝白) 车仔肠粉($26), 加个冻奶茶(冻饮加$2).

         车仔麵食得多, 车仔肠粉真系第一次见, 虽然其实都唔系d 乜特色0野... 肠粉够热, 几滑, 厚薄适中, 加埋附上的劲多甜豉油及自行落的甜酱, 都几难唔好食; 萝白无渣, 够清不过一般甜, 唔错; (卤水汁)牛腩好入味, 好肥, 仲有好多筋膜位, 食得过癮; 猪肠一样入味又劲肥, 洗得几乾净, 食落带少少「臊」味, 不过几对口味, 几好食. 见佢碟头咁大, 初初仲担心食唔晒, 不过到最后当然又清了碟=P

         冻奶茶又系好大杯, 饮落奶味/ 茶味50:50, 满意.

         唔想mou 街的关系, 坐了室内位, 铺内卫生情况一般, 环境几up dup 不过又带少少住家feel, 都几有趣; 招呼好好, 阿姐们有礼貌又劲友善!

         埋单$28, 几好食又食得饱饱, 绝对抵食.